Leschten Donneschden hunn 12 Schüler aus dem NOSL um Fun In Athletics 2025 an der Coque deelgeholl.

Eis Jongenequipe huet hei gewonnen! Gratulatioun! Insgesamt hunn 19 verschiddene Lycéeën matgemaach. Déi 2. Plaz war fir den EIDE an déi 3. Plaz fir den LGL. Fir de NOSL um Start waren: Nick Steins, M'Bemba Djalo, Samuel De Jesus Pereira, Yolan Cardoso, Rodrigo de Sousa Silva a Frédéric Reding.

D'Meederchersequipe sinn déi 11. ginn. Hei hu 14 verschidde Lycéeën deelgeholl, gewonnen huet den ALR. Fir de NOSL am Asaz waren : Marie Steins, Linda Scholtus, Matilde Pocinho, Isaquela Isaque, Roline Mbonga a Zoe Günther.