An der Zäit vum 19. Januar bis den 1. Mäerz huet d'1GSO am Kader vun der Optioun Art for all ënner der Leedung vum Sybille Plein e Konschtprojet mat 9 Bewunnerinnen aus De Park (CHNP vun Ettelbréck) duerchgeféiert. All Freidegmëtteg hunn si sech an der Villa Karblumm getraff, fir zesumme kreativ ze sinn. Mat ganz ënnerschiddlechen Techniken hunn si 4 gemeinschaftlech Biller zu den Elementer Feier, Äerd, Waasser a Loft erstallt. Mir kënnen eise Schülerinne felicitéieren, well si hunn sech op den Austausch agelooss an de Projet zu enger wäertvoller mënschlecher Erfarung fir all di Bedeelegt gi gelooss.